Body & Beyond

Студиото BODY & BEYOND е прво студио во Северна Македонија за STOTT PILATES® Reformer. Студиото е опремено со машини Реформер, како и со дополнителни реквизити со кои вежбите се модифицираат и усложнуваат, а тренингот станува поинтересен и подинамичен. Вежбите се изведуваат под постојан надзор од страна на инструктори за STOTT PILATES® Reformer. Клиентот најнапред пополнува прашалник во врска со неговата медицинска историја и целта која што сака да ја постигне со вежбањето, бидејќи тоа, како и неговата физичка кондиција, се пресудни при дизајнирањето на програмата за него. Покрај тоа, на првиот час се прави анализа на телото на клиентот со цел да се утврди дали клиентот има мускулни неурамнотежености, по што, при селектирањето на вежби се избираат оние вежби кои ги таргетираат засегнатите мускулни групи со цел истите да се доведат во баланс. Приоритет ни е безбедно и правилно изведување на вежбите. Што е реформер? Вежбањето на Реформер претставува најцелисходен и најефикасен тренинг на денешницата. Тоа е пилатес справа која се состои од подвижна платформа и повеќе федери со различно ниво на отпор. Вежбањето на Реформер ги активира не само површинските, туку и најтешко достапните мускули кои често се запоставуваат при другите методи на вежбање. Вклучува вежби за зголемување на силата и флексибилноста на телото. На Реформер можат да вежбаат лица на секоја возраст и секое ниво на физичка способност. Бројот на вежбите кои можат да се изведуваат на оваа справа е неограничен, како резултат на што тренинзите се забавни и разновидни. Што нудиме? Часовите се одвиваат индивидуално или во мали групи од максимум пет клиенти. Со индивидуални и полуприватни тренинзи може да се идентификува поединечно за секој клиент кои се најважните делови на кои треба да се работи, земајќи ги во предвид анализата на телото, медицинската историја, неговите цели, активности и во таа насока да се подготви програмата за него. ИНТЕЛЕКТУАЛНО ВЕЖБАЊЕ. ДОЛГОРОЧНИ РЕЗУЛТАТИ ®