Casta Diva

Единствен специјализиран центар за изучување на шпанскиот јазик во Македонија, испитен центар на Институтот Сервантес во Македонија. Максимално се посветивме на ширењето на шпанскиот јазик и култура во Македонија и пошироко преку часови, меѓународни испити и екскурзии. Најсовремени методи, одбрани за да ги задоволат сите вкусови и потреби, со исклучително обемен културолошки осврт на земјите во кои се зборува. Почнавме со помислата дека ќе станеме дел од урбаниот живот на градот и дека ќе понудиме една поинаква надоградба на знаењата, секогаш посветени на сонот и на нашите цели. Создадовме препознатливо име кое е нераздвоиво од модерниот живот на градот. Раѓањето на единствениот современ и специјализиран центар за шпански јазик се случи во септември 1998 година. Првичната особеност на студиото беше изучувањето јазици неопфатени дотогаш, па така, почнувајќи со шпански, италијански, турски и француски јазик, во текот на годините ги додадовме и германскиот, грчкиот, рускиот и португалскиот. Во нашето растење, неизбежно беше да пораснеме во специјализирано студио за шпански јазик, поткрепени и од нашата ангажираност како испитен центар на Институтот Сервантес. Низ годините се менувавме, еволуиравме, се надградувавме, се модернизиравме и приспособувавме на современите текови, но секогаш останавме верни на нашата првична идеја - да бидеме семејство и да негуваме различности.