Cdr O Viso

O Centro de Desenvolvemento Rural O Viso, fundado en 1990, é unha organización non gubernamental que leva a cabo un proxecto definido de dinamización comunitaria e desenvolvemento integral. Somos unha entidade sen ánimo de lucro, declarada de Utilidade pública. Unha obra comunitaria case tan fráxil e provisional coma os propios seres humanos que a conformamos. Que aprendemos no territorio, no día a día, a vivir na vulnerabilidade con serenidade e esperanza. Experimentamos que a atención ós demais no coidado mutuo produce unha satisfacción plena porque se asenta no amor, en dar valor á interdependencia e á forza do compartir e da solidariedade.