De&co

De & Co 2025-ci ildə yaradılmış və Azərbaycanda yenilikçi yanaşma ilə brend və idarəetmə məsləhətləri təqdim edən ilk hibrid konsaltinq şirkətidir. Biz innovasiya və məsuliyyət tələb edən aparıcı şirkətlərin qarşılaşdıqları biznes problemlərini sistemli və yaradıcı üsullarla həll edərək ölkənin biznes ekosistemində davamlı dəyər yaradırıq. Komandamız idarəetmə, strategiya, brendinq və marketinq sahələrində geniş beynəlxalq təcrübəyə malik peşəkarlardan ibarətdir. Qlobal bilikləri yerli kontekstə uyğunlaşdıraraq müştərilərimiz üçün unikal həllər tətbiq edirik. Bu baxımdan, De & Co müştərilərinə sərhədləri olmayan kreativ yanaşma və dərin təcrübə vəd edir. Missiyamız Mərkəzi Asiya və Cənubi Qafqaz regionunda inteqrasiya olunmuş idarəetmə və brend konsaltinqi sahəsində lider olmaqdır. Bizim əsas hədəfimiz Azərbaycanda və regionda müasir konsaltinq mədəniyyətinin inkişafına töhfə verməkdir. Biz şirkətlərə biznes strategiyası, brend inkişafı, təşkilati strukturun optimallaşdırılması, bazar araşdırmaları, rəqəmsal transformasiya, maliyyə modelləşdirilməsi, məhsul və xidmət portfelinin formalaşdırılması, satış və marketinq strategiyalarının yaradılması kimi sahələrdə çətinliklərin öhdəsindən gəlməkdə kömək edirik.