Diaspora Shqiptare

Gazeta “Diaspora Shqiptare” është një projekt i financuar nga qeveria e Konfederatës së Zvicrës në bashkëpunim me Fondin Shqiptar të Zhvillimit të Diasporës. Ajo i dedikohet informimit profesional për komunitetet shqiptare në Diasporë. Gazeta “Diaspora Shqiptare” synon të jetë një hapësirë e lajmit për sfidat e migrimit, përvojën dhe realizimet e shqiptarëve larg vendlindjes. Qëllimi i saj është vlerësimi i opinionit publik të migracionit dhe Diasporës shqiptare si “pjesë” e munguar, por gjithmonë e pranishme në historinë e vjetër dhe të re të shqiptarëve. Gazeta “Diaspora shqiptare” ka bashkëpunëtorë nga Australia, në Europë, në Britaninë e Madhe, në Shtetet e Bashkuara të Amerikës dhe Kanada. Ajo është e hapur për opinione të ndryshme dhe bashkëpunimin me median e shkruar ekzistuese për t’i dhënë zë problemeve dhe sfidave të migrimit.