Dkvistun Ehf

Á tímum sífelldra breytinga verður krafan um einfaldleika enn stærri þáttur í daglegum rekstri fyrirtækja. Allt frá árinu 2006 hefur dk hugbúnaður boðið viðskiptavinum sínum upp á hýsingarþjónustu undir heitinu dk Vistun. Notendur dk Vistunar eru í dag á annað þúsund og fjölgar ört. dk Vistun býður upp á heildarlausn í hýsingu forrita og gagna. Notendur kerfisins tengjast þjónustunni í gegnum internetið, hvaðan sem er úr heiminum sem skapar tvímælalaust aukið hagræði. Öryggi viðskiptavinarins er tryggt þannig að allur vélbúnaður dkVistunar sem og kerfissalur uppfyllir ströngustu skilyrði um gagnatengingar, varaaflsstöðvar, aðgangsstýringar, vírusvarnir, bruna- og vatnslekavarnir auk þess að vera undir stöðugu eftirliti fagmanna. dkVistun sér um alla afritun gagna og annast uppfærslu hugbúnaðar sem tryggir aukið rekstraröryggi. Því má segja að með notkun dk Vistunar verði kostnaður vegna reksturs tölvubúnaðar fyrirsjáanlegur. dk Vistun býður nýjum viðskiptavinum sínum upp á tvo mánuði til reynslu án endurgjalds. Hægt er að panta áskrift eða leita upplýsinga um dkVistun á dk@dk.is eða í síma 510-5800. Við tökum vel á móti ykkur,