Dokkan Iceland

Dokkan er öflugt þekkingar- og tengslanet. Dokkan virkar þannig að fyrirtæki gerast áskrifendur að Dokkunni. Innifalið í þeirri áskrift er aðgangur að öllum Dokkufundum fyrir alla starfsmenn auk einstakra kjara þegar kemur að námskeiðum, vinnustofum og ráðstefnum. Sú þekking sem Dokkan miðlar er frábrugðin þeirri sem miðlað er á hefðbundnum námskeiðum eða í menntastofnunum. Við sækjum þekkingu í bland við reynslu úr öllum áttum. Dokkan sækir mikið til fagfólks í fyrirtækjum og stofnunum, sem segja má að séu einstakar menntastofnanir og tilraunastofur. Þar inni er þekkingu og nýjum aðferðum komið í framkvæmd í formi alls kyns verkefna á öllum sviðum stjórnunar og rekstrar. Verðmæti þeirrar þekkingar sem til verður á þennan hátt er ómetanlegt.