Ecomaisha

EcoMaisha ni taasisi inayoshirikiana na jamii kutatua changamoto za kimazingira. Kuanzia kutoa elimu ya masuala mbalimbali ya muhimu ya mazingira kupitia tovuti yake pamoja na mitandao ya kijamii mpaka kufanya miradi ya kimazingira kwenye jamii. Lengo ni kuhakikisha kila mtu ana ufahamu wa kutosha kuhusu mazingira yanayomzunguka na namna mbalimbali anavyoweza kuyaathiri na yenyewe kuathiri maisha yake, hivyo, kwa kuthamini maisha, kutimiza wajibu wa kuyatunza kuyalinda makazi yetu pekee ya pamoja yaani Dunia. Kupitia miradi mbalimbali ya kimazingira tunashirikiana na jamii kuboresha mazingira ya asili na ya kutengenezwa na binadamu, kupambana na uharibifu uliofanywa ili kupunguza athari na kukomesha muendelezo wake. Kushirikiana na jamii na mamlaka za serikali na taasisi za kimataifa kuhakikisha dunia inakuwa mahali salama kwa viumbehai wote kwa ajili ya maisha endelevu kwa vizazi vyote, kwani tunatambua kuwa Maisha ni Mazingira. Kwa pamoja tunaweza kufikia malengo endelevu! Jihusishe kwa namna unayoweza!