កវី Kakvei

កវី គឺជាកម្មវិធីដែលប្រើបច្ចេកវិទ្យា AI សម្រាប់បម្លែងពីអក្សររ៉ូម៉ាំងខ្មែរទៅអក្សរខ្មែរ ដើម្បីធ្វើឲ្យការប្រើប្រាស់អក្សរខ្មែរកាន់តែងាយស្រួលរួមជាមួយនឹងមុខងារត្រួតពិនិត្យអក្ខរាវិរុទ្ធសម្រាប់កែសម្រួលអត្ថបទខ្មែរ។ «កវី» ចាប់ផ្ដើមដំបូងក្នុងត្រីមាសទី3 នៃឆ្នាំ២០២២។ គំនិតក្នុងការផ្ដួចផ្ដើមបង្កើតកវីត្រូវបានផុសឡើងនូវពេលដែលពួកយើងផ្ទាល់ បានជួបនឹងភាពលំបាកក្នុងការប្រើប្រាស់អក្សរខ្មែរក្នុងកុំព្យូទ័រ និងទូរស័ព្ទ។ ពួកយើងចង់ប្រើប្រាស់អក្សរខ្មែរឲ្យបានញឹកញាប់ តែត្រូវបង្ខំចិត្តក្នុងការប្រើប្រាស់អក្សរឡាតាំងវិញព្រោះវាមានភាពងាយស្រួលជាងក្នុងការវាយអក្សរ។ ហើយម្យ៉ាងទៀត មានគេហទំព័រជាច្រើនដែលមានសមត្ថភាពក្នុងការត្រួតពិនិត្យអក្ខរាវិរុទ្ធអក្សរឡាតាំងនៅពេលដែលយើងប្រើប្រាស់អក្សរនេះ។ ដូច្នោះ ពួកយើងពុំសូវមានកង្វល់រឿងវាយអក្សរខុស ឬប្រើប្រាស់អក្សរខុស។ ដោយសារភាពលំបាកក្នុងការប្រើប្រាស់អក្សរខ្មែរនៅលើកុំព្យូទ័រ និងភាពខ្វះខាតនៃកម្មវិធី ឬគេហទំព័រដែលជួយត្រួតពិនិត្យឯកសារ ឬឃ្លោងឃ្លាខ្មែរនេះហើយ ទើបពួកយើងសម្រេចចិត្តក្នុងការបង្កើតកវី ដើម្បីឆ្លើយតបទៅនឹងបញ្ហានេះ។ យើងមានបំណងចង់ឲ្យអ្នកប្រើប្រាស់ទាំងអស់អាចប្រើប្រាស់កវីបានទាំងក្នុងទូរស័ព្ទ និងកុំព្យូទ័រ ហើយមុខងារធំៗរបស់កវីគឺផ្ដោតការបម្លែងពីអក្សររ៉ូម៉ាំងខ្មែរទៅអក្សរខ្មែរ និងការត្រួតពិនិត្យអក្ខរាវិរុទ្ធសម្រាប់កែសម្រួលអត្ថបទខ្មែរ។ Kakvei is a technology that improves your Khmer typing experience by converting Khmer transliteration to Khmer script and providing spell-check on Khmer script. Kakvei project first started in the third quarter of 2022. The idea of Kakvei came from the difficulties we encountered when typing Khmer. We understand the frustration of wanting to use Khmer but are being restricted by our inability to type it fast and inefficiency in creating Khmer documents that are free from mistakes. Having this common goal of improving the Khmer typing experience, we came together as a team to make this goal happen. We aim to create a tool that is available on different mediums, including both phones and computers, that can provide efficient and effective Khmer transliteration conversion and Khmer spellcheck and grammatical check.