Mongol Em Impex Concern

Монгол Эм Импекс Концерн ХХК нь 2024 оны байдлаар 40 гаруй улсын 89 компанитай хамтран ажиллаж ард иргэд, эмнэлэг, эрүүл мэндийн байгууллагыг зайлшгүй шаардлагатай эм тариагаар тасралтгүй хангаж иржээ. Үүнд 600 гаруй нэр төрлийн 72 тэрбум төгрөг үнийн дүн бүхий эм, биологийн идэвхит бүтээгдэхүүн, эмнэлгийн хэрэгслүүдийг импортоор оруулж ирээд байна. 2024 онд шинээр 35 нэр төрлийн бүтээгдэхүүнийг Монгол улсын эмийн бүртгэлд амжиллттай бүртгүүлсэн. Үүнд: Канад, Болгари, БНСУ, Пакистан, Дани, Казахстан, Итали, ОХУ, БНЭУ, БНТУ, Хятад, Латви, Словени, Тайланд, ХБНГУын чанартай, аюулгүй, стандартын дагуу үйлдвэрлэгдсэн хүүхдийн витаминууд, чихрийн шижингийн үеийн тариа, хөхний хавдрын бай эмчилгээний, тариа, элэгний В вирүстэй эхээс төрсөн нярайд урьдчилан сэргийлэх зорилгоор хийх иммуноглобулин, элэг шилжүүлэн суулгах эмчлүүлэгчдэд элэгний В вирусийн үрэвсэл дахихаас урьдчилан сэргийлэх зорилгоор хэрэглэдэг иммуноглобулин, хүүхэд болон насанд хүрэгсдэд зориулсан ашигтэй бактери, хүүхдийн аманд уусдаг антибиотик гэх мэт олон бүтээгдэхүүнийг бүртгүүлж шинээр зах зээлд нэвтрүүлсэн байна. Түүнчлэн сэтгэц нөлөөт, тайвшруулах, сэтгэл гутралын үед хэрэглэх хэд хэдэн зайлшгүй шаардлагатай эмийг бүртгүүлэхээр бүртгэлийн шатандаа явж байна.