Rio Mall Armenia

ՌԻՈ» առևտրաժամանցային կենտրոն իր դռներն է բացել հաճախորդների առաջ 2017 թվականի նոյեմբերի 13-ին և շատ կարճ ժամանակում դարձել է Երևանի սիրված վայրերից մեկը: Համալիրը գտնվում է Երևանի խիտ բնակեցված և բարգավաճող վարչական շրջաններից մեկում՝ Արաբկիրում: Աչքի է ընկնում իր գեղեցիկ - ժամանակակից ճարտարապետական լուծումներով: «ՌԻՈ»-ն իր այցելուներին հնարավորություն է տալիս համատեղել հետաքրքիր ժամանցը, համեղ ուտեստներն ու shopping-ը մեկ վայրում: «ՌԻՈ»-ում կազմակերպվում են համերգներ՝ սիրված երգիչների մասնակցությամբ, շոու-ծրագրեր,խաղարկություններ, և այլ հետաքրքիր իրադարձություններ : «ՌԻՈ»-ում գործում են բրենդային խանութներ, որոնք մինչ օրս ներկայացված չէին Հայաստանում և այժմ գործում են միայն մեզ մոտ: Հաճելի և ուրախ ժամանցն ապահովում են «Play Lab» մանկական զվարճանքի կենտրոնը, որտեղ առկա են բազմաթիվ ժամանցային խաղեր ցանկացած ճաշակի համար (Play Box), լաբիրինթոս, մանկական ատրակցիոններ, խաղային ավտոմատներ, «Սինեմա Սթար» ցանցի կինոթատրոնը, որը հագեցած է ամենա- ժամանակակից սարքավորումներով: Մեր առևտրաժամանցային կենտրոնի տարածքում գործում են «Goods House» ցանցի կենցաղային ապրանքների խանութը, «Երևան Սիթի» մթերային սուպերմարկետը: «ՌԻՈ»-ում է գտնվում Հայաստանի շուկայում բացառիկ էկզոտարիումը՝ «Զուլանդիան», որտեղ ներկայացված են ավելի քան 30 տեսակ հազվագյուտ կենդանիներ` կապիկներ, կոկորդիլոսներ, թութակներ, գաճաճ կենգուրու, իգուանաներ, օձեր, սարդեր, կարիճներ, ֆենեկ աղվեսներ և այլն: Կենդանիներից շատերը եզակի են Հայաստանում: Առևտրի կենտրոնի երրորդ հարկում տեղակայված ֆուդքորթի գոտում գտնվում են արագ սննդի սպասարկման հայտնի ցանցեր և սրճարաններ. Burger King, KFC, Gyros, Tashir Pizza: «ՌԻՈ»-ի երրորդ հարկում է գտնվում հարմարավետ տեռասը, որտեղից բացվում է չքնաղ տեսարան դեպի ամբորջ Երևանը: