Stad Hotell

Stad Hotell er eit sjarmerandes hotell med ei rik historie knytt til livet ved storhavet. Hotellet ligg heilt i fjøra, tett på naturen og naturkreftene. Vi har vakre strender og storslått natur som næraste nabo. Bygd av lokale fiskarar, skil hotellet vårt seg ut med sin unike karakter og sjarm som er heilt sin eigen. Frå du går inn døra på gamle Furebuda, til du legg deg i senga er du omgitt av gammal og nyare fiskerihistorie. Hotellet er bygd og eigd av Ervik havfiske. Ervik havfiske er eit av verdas største linebåt rederi. I restauranten vår får du servert måltida heilt i sjøkanten. Her kan du velje om du vil nyte maten i ei varm og koseleg atmosfære i Longline, ei restaurert sjø bod frå 1913, eller i vår nye og moderne Rockall frå 2021. Lokala ligg i tilknyting til kvarandre, men er mogleg å separere dei ved ulike arrangement. Rockall vart bygd som ei utviding av restauranten, men fungera også som selskapslokale og bar i tillegg til restaurant. Kokkane våre er opptekne av å skape gode mat opplevingar. Dei brukar so langt det let seg gjere lokale råvarer. Kortreist og berekraft er viktig, og vi er stolte av å vere godkjende som fiskemottak. Dagens fangst blir henta på kaia vår og rett inn på kjøkkenet, stort meir kortreist enn dette er det vel ikkje mogleg å få det. Om vår lokale fiskar ikkje klarer å levere stort nok kvantum, supplerer vi med fisk frå Ervik Havfiske. Her får vi førsteklasses råvarer fiska med line. Linefiske er ein miljøvennleg måte å drive fiske på.