Tosoil

TOSOIL” şirkəti 1997-ci ildə yaradılmışdır. Şirkətin əsas fəaliyyəti yanacaqdoldurma və qazdoldurma məntəqələri vasitəsi ilə yanacağın pərakəndə satışından ibarətdir. Şirkət bu gün Abşeron yarımadasının bütün əsas iqtisadi zona və istiqamətlərini əhatə edir və 10 yanacaqdoldurma məntəqəsi (YDM) və 3 qazdoldurma məntəqəsini (QDM) istismar edir. Həmin məntəqələr yüksək keyfiyyətli materiallardan tikilmiş və dünyanın aparıcı ölkələrində istehsal edilmiş ən müasir avadanlıqlarla təchiz edilmişdir. Məntəqələr həmçinin, yanğın əleyhinə mühafizə və təhlükəsizlik sistemləri, video müşahidə və həyəcan düymələri sistemləri, yanacağın keyfiyyətinə nəzarət sistemləri və avtomatik idarəetmə sistemləri (AİS) ilə təchiz edilmişdirlər. Həmçinin avtodoldurma məntəqələrində müştərilərin xidmətinə verilmiş avtoemalatxnalar, avtoyumalar və Fasd Food fəaliyyət göstərir. Şirkətin avtoparkında texniki xidmət üçün nəzərdə tutulan minik avtomobillərindən başqa Avropanın aparıcı ölkələrində istehsal edilmiş olan 4 ədəd avtoçən maşınları da vardır ki, onların keyfiyyəti texniki təhlükəsizliyin bütün tələblərinə cavab verir. Bu isə yanacağın vaxtlı-vaxtında və təhlükəsiz olaraq günün istənilən saatında və istənilən hava şəraitində çatdırılmasına imkan verir.