Vinje Kommune

Nasjonalparkkommunen Vinje er i areal den største i Telemark - større enn Vestfold fylke. Busetnaden går frå om lag 300 til over moh, med store variasjonar i klima og natur- og kulturlandskap. Kommunesenteret Åmot ligg sentralt til der viktige regionale vegar frå nord og sør møter stamvegen E134 - hovudsambandet mellom Aust- og Vestlandet. Komfortable ekspressbussar har opptil 5 avgangar i døgnet i båe retningar. Åmot er eit regionalt handelssenter, med eit rikt tilbod av varer og private og offentlege tenester. Haukeli og Rauland er sentra i attraktive turistområde, der den mest omfattande hyttebygginga i landet gjennom fleire år har lagt grunnlaget for eit moderne, blømande næringsliv. Men bygdene i kring er gamle og kjende for rike tradisjonar, som framleis ytrar seg gjennom eit aktivt kulturliv. Vinje er kåra til landets kulturkommune, og satsar på å føre desse verdiane vidare inn i framtida. Høgskulen i Telemark har avdeling for folkekultur på Rauland. Inntektene frå den store kraftproduksjonen i Vinje har gjort det mogleg å utvikle eit høgt nivå på den kommunale tenesteytinga, ikkje minst innafor helse og omsorg. Næringsutvikling og tilrettelegging for bustadbygging er prioriterte oppgåver - til nytte og glede for gamle og nye innbyggjarar. facebook.com/vinjekommune twitter.com/vinjekommune