Roar Eilev Amdam

Background

About Roar Eilev Amdam

Roar Amdam er professor i samfunnsplanlegging og leiing ved Høgskulen i Volda. Han har tidlegare vore knytt til Møreforsking Volda som forskar og forskingsleiar. Han har omfattande erfaring frå forskings- og utviklingsarbeid innan regional- og kommunalforsking. Han har publisert ei rekke artiklar og fleire bøker innanfor planlegging og utvikling. Sentrale omgrep i hans forsking er instrumentell og kommunikativ rasjonalitet, kollaborativ planlegging og innovasjon, samt legitimerande planlegging og leiing. Det gjennomgåande temaet er korleis planlegging blir brukt, og kan brukast som reiskap for å fremme ønska utvikling i organisasjonar og samfunn. Konkret inneber det korleis endogene og eksogene krefter kan utnyttast i kapasitetsbyggande prosessar i ulike regionar, drøfting av differensiert regionalpolitikk og strategiar for regionalt utviklingsarbeid, kjenneteikn ved fungerande kapasitetsbyggande prosessar og opplegg for kapasitetsbyggande planlegging (empowerment planning and evaluation) mm. Han bygde opp og leia i 20 år høgskulens mastergradsprogram i samfunnsplanlegging og leiing, og underviser i offentleg organisering, planlegging og leiing. Han innehar ein kompetanse som blir etterspurt både nasjonalt og internasjonalt, og ikkje berre på det området som tradisjonelt blir oppfatta som planlegging, men også innanfor folkehelsearbeid, nærmiljøarbeid og innovasjon. Han er ein etterspurd foredragshaldar. Han fekk tildelt Høgskulen sin FoU-pris for 2021: Han blei 70 år i 2021 og publiserte i den samanhengen to rapportar som samlar og utviklar hans mangeårige forsking på planlegging som styrings- og utviklingsverktøy: Samskapt berekraft. Ein modell for samarbeidsdriven planlegging og innovasjon som fremmar institusjonell handlingskapasitet og demokratisk legitimitet. Rapport - nr. 115/2022 https://bravo.hivolda.no/hivolda-xmlui/handle/11250/2991502 Kommunal handlingskapasitet. Erfaringar med ein modell for samarbeidsdriven planlegging og innovasjon. Rapport - nr. 112/2021 https://bravo.hivolda.no/hivolda-xmlui/handle/11250/2827480