Susanne Hjelmeset

Background

About Susanne Hjelmeset

Eg er glad i menneske, skikkeleg god i nynorsk, løysingsorientert, kreativ, serviceinnstillt, strukturert og arbeidssam. Eg vil påstå at eg er ein god kollega og samarbeidspartner, med sunn arbeidsmoral og pliktoppfyllande natur. Til tross for å berre ha fullført vidaregåande, har eg stort sett fått dei jobbane eg har hatt lyst på. Grunnen til at det ikkje vart høgare utdanning er kompleks, eg skulle bl.a berre ha eit tenkeår før universitetet. Tenkeåret vart til nesten 20 år i arbeidslivet. Det er ikkje dermed sagt at eg ikkje er viljug til å kursast/utdannast vidare om sjangsen byr seg. Frå 2018 har eg fått lov å utdanne nye kollegar. Som yrkesveileiar i nsb og no Vy, har eg medansvar i Vy sitt kompetansesenter når det kjem til utdanning av konduktøraspirantar. Dette er givande arbeid. Eg er særs stolt av dei nye kollegane eg har fått vere med på å forme. På fritida skriv eg ein del prosa og syng i band når det passar seg slik. Eg er ganske god bak symaskina og ikkje fullstendig tapt bak ein mac eller pc, heller. Språk er gøy, men hittil er det berre engelsk skriftleg og munnleg som kan klassifiserast som flytande. Eg kan for øvrig banne på fransk, bestille mat på bulgarsk, spør om og takke for vatn på arabisk, ynskjer også å lære meg meir russisk enn dei høfligheitsfrasene eg kan frå før. Tysken frå ungdomsskulen kan med fordel få ei oppfrisking, men det får då vere måte kor flink ein skal vere! RadiOrakel fm 99.3 er lokalradioen som står mitt hjarta nærast. Der har eg spelt bra musikk, laga høyrespel og intervjua folk i nokre år før eg gjekk vidare til andre ting. No er eg klar for det meste, og som de ser av denne oppsummeringa kan eg også brukast til så mangt.