Codelandia It School And Software Center

Codelandia IT School and Software Center dünya standartlarına uyğun təlim-tədris prosesini təcrübəli müəllimlər və ixtisaslı təlimçilər vasitəsilə həyata keçirir. Tədris prosesi nəzəri və praktiki hissədən ibarətdir ki, bunun nəticəsində tələbələr çox sürətli və keyfiyyətli təhsil almaq imkanı qazanırlar. Bu gün hər kəs Codelandia-da dünyanın texnologiya liderləri ilə qurduğumuz tərəfdaşlıqlar əsasında yüksək səviyyəli beynəlxalq praktikaya əsaslanan təcrübə proqramı ilə öz peşəkar bacarıqlarını inkişaf etdirə bilər. İT sahəsində ölkəmizin dayanıqlı inkişafına dəstək məqsədi ilə həyata keçirdiyimiz tərəfdaşlıqlara nümunə olaraq Türkiyədə peşəkar ekspertlərin çalışdığı LastGuard şirkəti ilə imzaladığımız memorandumu göstərə bilərik. Habelə İsrailin dünyaca məşhur Ben-Gurion Universiteti ilə “Data Science” və “Cyber Security” sahələri üzrə əməkdaşlıqlarımız da mövcuddur. Bunlarla yanaşı, ölkəmizdə İnnovasiya və Rəqəmsal İnkişaf Agentliyinin təşkil etdiyi “Technest” proqramı və Dövlət Məşğulluq Agentliyi ilə əməkdaşlığımız çərçivəsində tələbələrimiz müxtəlif ixtisaslar üzrə təqaüdlü - ödənişsiz təhsildən yararlana bilirlər. Missiyamız Azərbaycanda proqramlaşdırma sahəsinin inkişafına töhfə vermək, gənclərə bu yolda yardım göstərmək və əlavə təhsil keyfiyyətini yüksəltməkdir. İT və Proqramlaşdırma sahəsindəki bütün yenilikləri daim diqqətlə izləyir, proqressiv trendləri tədris proqramlarımıza tətbiq edirik. Biz məzunumuz olan tələbələrimizə gələcək fəaliyyətlərində də dəstək göstəririk. Çünki hər bir Codelandia tələbəsinin uğuru bizim üçün əhəmiyyətlidir! Codelandia -#BirKodunGücü