Handex

Handex 2021-ci ildən fəaliyyət göstərən, müasir iş dünyasının tələblərinə uyğun texniki, rəqəmsal və biznes bacarıqları üzrə ixtisaslaşmış təlim və xidmət mərkəzidir. Müasir dünyanın tələblərinə uyğun formalaşdırdığımız təlimlərimizlə həm fərdi şəxslərin, həm də korporativ əməkdaşların texniki, rəqəmsal və biznes biliklərini artırmağa xidmət göstəririk. Təlimlərimiz praktiki yönümlü və real iş mühitinə uyğun tərtib olunmuşdur. Məzunlarımız qazandıqları bilik və bacarıqlar sayəsində həm yerli şirkətlərdə asanlıqla iş tapır, həm də qlobal şirkətlərdə uğurla fəaliyyət göstərir, üstəlik beynəlxalq sertifikat təlimlərimizdən də faydalanaraq karyeralarında yüksəliş əldə edirlər. Handex olaraq, yalnız təlimlərlə kifayətlənmir, əlavə olaraq, analitik sistemlərin qurulması, vizual hesabatların hazırlanması, məlumat bazalarının idarə olunması və avtomatlaşdırılmış mesaj sistemlərinin tətbiqi kimi xidmətlərlə də müəssisələrin daxili proseslərini optimallaşdırmağa yardım edirik. Fəaliyyətə başladığımız ildən etibarən yüzlərlə insanın potensialını ortaya çıxarmasını, biliklərini beynəlxalq sertifikatlarla gücləndirməsini korporativ və fərdi təlimlərimizlə, təqaüd proqramlarımızla, YouTube layihəmizlə təmin etmişik. Fərqimiz öyrədən, gücləndirən və dəyişiklik yaradan bir təlim mərkəz olmaqdır.