Kjarni

Hjá Kjarna starfar öflugt teymi sjúkraþjálfara, kírópraktora, naprapata, nuddara og þjálfara sem vinna saman að því að finna árangursríkustu meðferðina fyrir hvern skjólstæðing. Við sameinum alþjóðlega reynslu, faglega þekkingu og fjölbreyttar aðferðir til að greina vandamál og veita vandaða meðferð sem stuðlar að betri heilsu, virkni og lífsgæðum. Áhersla okkar er lögð á ítarlega skoðun og greiningu sem leggur grunn að markvissri meðferð, í nánu samstarfi við skjólstæðinginn þar sem við leitum lausna til bættrar heilsu. Við leggjum ríka áherslu á endurhæfingu, fyrirbyggjandi aðgerðir og aukna hreyfigetu sem stuðla að sjálfbærri vellíðan og virkni í daglegu lífi. Vellíðan og heilsa skjólstæðinga okkar, ásamt virkni þeirra í daglegu lífi, er okkar helsta kappsmál og markmið. Í Síðumúla 28 bjóðum við upp á nútímalegt umhverfi með tækjasal, hóp- og hreyfisal, röntgen myndgreiningartæki og annan búnað sem styður við faglega meðferð. Markmið okkar er skýrt: að hjálpa þér að losna við verki, bæta hreyfigetu og öðlast verkjalaust, sjálfbært daglegt líf.