Sporting Goods in Albania

Liga Profesioniste E Futbollit

Liga Profesioniste e Futbollit u themelua me qëllim të përmirësimit të nivelit më të lartë të lojës së futbollit në territorin e Republikës së Shqipërisë, dhe qëllimi përfundimtar është përmirësimi i përgjithshëm i cilësisë së futbollit shqiptar. Ajo përfaqëson një shoqatë sportive të klubeve që garojnë në Kategorinë Superiore, dhe të cilat i delegojnë përfaqësuesit e tyre në organet e Ligës. Liga vepron në bashkëpunim me Federatën Shqiptare të Futbollit dhe në përputhje me Statutin e saj. Ajo organizon dhe drejton lojën brenda Kategorisë Superiore, propozon aktivitete, kalendarin dhe llojin e garës. Bashkëpunimi brenda Ligës përmirëson marrëdhëniet e ndërsjella të klubeve, sistemin e konkurrencës dhe kushtet për organizimin e garës. Ajo bën të mundur që të zgjidhen çështje me interes të përbashkët për të gjitha klubet, si dhe për lojtarët dhe trajnerët e atyre klubeve. Liga promovon vlerat më të larta sportive dhe merr masa për të parandaluar fenomenet negative në futboll. Fokusi është në luftën për të siguruar rregullsinë e garës, drejtimin sportiv të garuesve, eleminimin e dhunës në tribuna, racizmin, ndalimin e përdorimit të mjeteve të paligjshme dhe fenomeneve të tjera negative në futboll. Ajo gjithashtu kujdeset që të sigurojë bashkëpunimin më të mirë të mundshme profesional me klubet e Kategorisë Superiore. Përmes bashkëpunimit me median, qëllimi është popullarizimi i futbollit në Shqipëri, informimi më i mirë i publikut dhe krijmi i një komunikim më të mirë midis të gjitha palëve të interesuara.

1 to 10 staff